حلويات إليك حلويات مغربية

طريقة تحضير حلوة رائعة باللوز لكلِ المناسبات بالصور

ليلى
كتب بواسطة ليلى

 طريقة تحضير حلوة رائعة باللوز لكلِ المناسبات بالصور

 طريقة تحضير حلوة رائعة باللوز لكلِ المناسبات بالصور

هاد الحلوى اول مرة فاش دوقتها حامقاتني حيت مداقها مختلف علىالحلويات البلدية لي موالفنها حاولت نقلب على المقادير ديالا … وبلصدفة سولت واحدالبنت ختا كتعدل الحلوى قاتلي بان عجوزة ختها هي الوحيدة لي تتصاوبا عندنا فطنجة طلبتا ورغبتها باش جابتلي وملي صايبتا وزدقات قلت مانبخلش عليكم بيها كيما استفدت نفيد طبعا بعد طلب االادن من الاخت لي عطاتالي دبا على بركة الله نبداو بالمقادير
العجين

كيلو الطحين
6معالق كبار سكر
كاس الاربع المزهر
شوية ملح
200غ زبدة
نزيدوها الما الكافي باش تتجمع العجين

للتزين
نباج
شوية دالبنيا او الصنوبر

الحشوة
كيلو الاربع لوز مقشر ومطحون مع السكر
ربع كيلو لوز مقشر ومقلي ومطحون
يعجن اللوز كامل مع نكهة الفاني وبياض البيض جهد لي يبدا يتجمع ويتكور

 طريقة تحضير حلوة رائعة باللوز لكلِ المناسبات بالصور

بالنسبة لي ديرت نصف المقادير باش غير نجرب وخرجاتلي 45 حبة
من بعد ماعجنت العجينة ماتكون لا خفيفة لا قاصحة دوزت فالمكينة دالسباكيتي

 طريقة تحضير حلوة رائعة باللوز لكلِ المناسبات بالصور

 عودتها فالجهة ديال القطايف الرقيقة باش تخرج شرائط وللامانة هاد المرحلة صعيبة شوية الا خرجت ليكم لاصقة ومامفرقاش عرف العجينة راها خفيفة او مامدلوكاش مزيان وملي تبغي دوزيها فالقطايف ديري شوية دالطحين بين السنينات دالمكينة

وها الشكل لي تايخرج

 طريقة تحضير حلوة رائعة باللوز لكلِ المناسبات بالصور

وخا تجيك مشروكة حاولي تفرقي خيوطة على بعضهم باش تسهال عليك العملية داللف
خدي واحد الكورة بين صباعك وبداى تلوي عليه من تحت لفوق فحال كبة الصوف كيما فالصورة

 طريقة تحضير حلوة رائعة باللوز لكلِ المناسبات بالصور

ملي تسالي ستفيها وتكي عليها بيدسك شوية باش تاخد شكل الغرييبة وديري شوية دبياض البيض فالوسط وزوقي بالبنيا او الصنوبر وها شكلها قبل ماتدخل لفران

 طريقة تحضير حلوة رائعة باللوز لكلِ المناسبات بالصور

عن قرب

 طريقة تحضير حلوة رائعة باللوز لكلِ المناسبات بالصور

 وهاهي ملي خرجت ودرتليها النباج على الوجه

 طريقة تحضير حلوة رائعة باللوز لكلِ المناسبات بالصور

وهداحق لي دخلت اللولا ودعات معايا شي دعيوة زوينة

 طريقة تحضير حلوة رائعة باللوز لكلِ المناسبات بالصور

اترك تعليقا