Slider حلويات إليك حلويات عربية حلويات مغربية

إليك مقادير و طريقة تحضير حلويات اللوز و الصابلي

إليك مقادير و طريقة تحضير حلويات اللوز و الصابلي
ليلى
كتب بواسطة ليلى

 

إليك مقادير و طريقة تحضير حلويات اللوز و الصابلي

إليك مقادير و طريقة تحضير حلويات اللوز و الصابلي

 

السلام عليكم هادي اول مشاركة لي فركن الحلويات حبيت نشارككم ببلاطو فيه حليوات مشكلين من يدياتي كنت خديتو معايا فزيارة لاهل زوجي عطيوني رايكم وماتنسوني من الدعاء

لي سابلي كلهم نفس العجينة لكن غيرت طريقة التزيين

مقادير السابلي
250غ زبدة لينة

كاس سكر كلاص

بيضة

خمارة

4 معالق نشا

الطحين

جمعت هاد العناصر وقسمت العجينة على جوج نص عملتلو الكاكاو ونص خليتو ابيض

النص اللي فيه الكاكاو سرحتو بمدلك وقطعت منو شكل قلب صغير لصقت بين حبة والثانية بشكلاط دايب وزدت عليه دانيت شكلاط بعد ما نشف غطستو فالشلاط دايب ومرغتو فطونيك محكوك

وشي حاجة من العجينة اللي فيها كاكاو قطعتها بشكل داير ولصقتهم بمعجون الشكلاط دايب ودانون ورشيتها بالسكر كلاص

العجينة البيضا سرحتها بمدلك وزينتها بمدلك مخطط قطعتها بشكل مربع لصقت بين حبة والثانية بكونفتير ودوزت الجناب ديالها فكونفتير واللوز مصلوق مقلي ومهرمش

وشي حاجة قطعتها بشكل داير لصقتهم بشكلاط دايب ودانون ورشيتها بالكاكاو

غريبة الكوك والسميدة

5 بيضات / زلافة سنيدة /2كيسان الزيت /قشرة حامضة محكوكة /نص كاس ما زهر /400غ كوك /200غ سميدة رقيقة الحلوى /2 خمارات

جمعت العناصر كلها شكلت منها غريبة مررت وجهها فما الزهر و السكر كلاص بيه غبيرة من خمارة الحلوى باش تشقق من الوجه دخلتها للفران التحت حتى تفركعت عاد طلعتها للفوق تطيب مزيان

كعب الغزال كنظن مقادير ديالو باينة ادا كان شي استفسار على الراس والعين

اما حلوة الحصيرة

عجينة اللوز قسمتها على جوج نص لونته بالملون احمر عطاني اللون الوردي ونص خليتو ابيض قطعت فكل عجينة شرائط طويلة ممكن تدوز حتى فماكينة سباكيتي باش يجيو متساويين حطيت الشرائط الوردية بالطول والشرائط البيضاء بالعرض وشكلت مربع من عقدة اللوز اللي عملت بها الكعاب نزلتو فوسط الشرائط وبقيت تنضفرهم ماصورت التفاصيل لكن ادا ماواضحش كلامي ممكن نرجع نصور العملية حتى كملت جميع الشرائط عملت حبات الحلوى فكواغط مسحت على وجههم بالناباج ورشيت عليهم لي باييط بريون د الحلوى

اترك تعليقا